१७ कात्तिक, नुवाकोट । नाकालिकालाई बलात्कारको प्रयास गरेको आरोपमा नुवाकोटमा ८० वर्षका वृद्ध पक्राउ परेका छन् । ६ वर्षकी नाबालिकालाई बलात्कार प्रयासको गरेको आरोपमा नुवाकोटको खानीगाउँका ८० वर्षीय बृद्ध लोकबहादुर थापा पक्राउ परेका हुन् । घर नजिकै खेली खेलीरहेका समयमा आइतबार अपरान्ह थापाले ६ वर्षीय नानीलाई बलत्कार गर्न खोजेको भन्दै पीडित परिवारको उजुरीको आधारमा उनलाई पक्राउ गरेको नुवाकोटका प्रहरी प्रवक्ता प्रहरी निरीक्षक प्रकाश शर्मालो जानकारी दिए । खेलिरहेको समयमा बुढाको अस्वभानीय व्यहारबाट अतालिएकी नानी रुन थालेपनि स्थानीयवासीले देखेर उद्धार गरी प्रहरीलाई खबर गरिदिएका थिए । थापालाई नुवाकोट प्रहरीले आइतवार नै जिल्ला अदालत नुवाकोटमा जबरजस्ती करणी उद्योगको मुद्धा दर्ता गरी अनुसन्धान सुरु गरेको छ । प्रहरीले पीडित बालिका र पीडक थापाको जिल्ला अस्पताल त्रिशुलीमा स्वास्थ्य परिक्षण गरी अनुसन्धान सुरु गरेको छ ।

उजिर कार्की/खोटाङ । कात्तिक १५ - फत्तेपुर २ सप्तरीकी मुना श्रेष्ठले खोटाङ खाल्लेका दीपक केसीसँग २०६२ सालमा विवाह गर्नुभयो । दुबई गएर फर्किएका केसीसँग मुनाले ५ महिनाको प्रेम सम्बन्धपछि बिबाह गर्नुभएको हो र त्यो पनि अन्तर जातीय विवाहका रुपमा । त्यतिबेला त दीपकले अन्तर जातीय भएपनि आफ्नो परिवारले स्वीकार्ने र आफूले पनि जिन्दगी भरीनै साथ दिने वताउनु भएको थियो । मुनाले पनि दीपकको कुरा पत्याउनुभयो तर दिपकको हातबाट सिउँदो रंग्याएपछि उहाँको परिवारले मुनालाई घरमा पस्न दिएनन् । घर बाहिरै कोटा लिएर बसेकै बेला छोरी जन्मिईन । केहीवर्ष दिपक मुनासँगै बसेपनि आर्थिक अभावले च्यापेपछि फेरि विदेश हानिनुभयो । श्रीमान साथमा नभएपनि मुनाले हरेस खानुभएको थिएन, दिपकले साथ नछोडुञ्जेल तर विदेश गएको केही समयमै सँगै बाच्ने सँगै मर्ने वाचा गरेका दीपकले नै साथ छोडिदिनुभयो । त्यो बेलाको कुरा सम्झिँदा मुना भक्कानिनुहुन्छ । ‘उहाँले केहि नभनेसम्म त जीवन संघर्ष हो भन्थें, तर सहाराले नै साथ छोडेपछि निराश भएँ’ मुनले विगत सम्झनुभयो ‘एक पटक त झुण्डिन पनि गईं, तर बच्चाले नदिएपछि फर्किएको थिएँ ।’ आत्महत्या गर्ने अवस्थामा पुगिसकेकी मुनाको अवस्था अहिले भने फेरिएको छ । मुनाले अहिले खोटाङको दिक्तेलमा आफनै पसल चलाइरहनु भएको छ, त्यो पनि हातले बुनेका कलात्मक सामान बेच्ने । यो बेला सहारा नपाएर भौतारिएकी मुनाले सहारा बन्यो हातको सीप । मुनाको हातमा सीप भरिदियो खोटाङमा सुरक्षित आप्रवासन परियोजना अन्तर्गतको जनसेवा समाजले । समाजले दिएको तालिम लिएकी उहाँले सुरुमा आफूले सिकेको सीप महिलाहरुलाई सिकाउनुभयो । अहिले त उहाँ सीप मात्रै सिकाउनुहुन्न आफनै पसल पनि खोल्नुभएको छ खोटाङको दिक्तेल बजारमा । कुनै बेला सहारा नभएर मर्न मन लागेकी मुनालाइ अहिले हातमा सीप छ भने अरुको सहारा खोज्नु पर्दैन जस्तो लाग्न थालेको छ । आफ्नै काम गरेर महिनाको १० हजार आम्दानी गर्दै आएकी मुना भन्नुहुन्छ ‘हातमा सिप छ भने कसैको साथ बिनापनि जिउन सकिँदो रहेछ ।’ मुनालाई अहिले विभिन्न संघ संस्थाले कपडाको फूल, गुडिया बनाउने, छ्वाली आर्टस, वालुवा आर्टस, सिलाई कटाई जस्ता सीप सिकाउने प्रशिक्षक पनि बनाउने गरेका छन । प्रशिक्षण दिन गएको बेला मुनाको आम्दानी पनि बढ्न गरेको छ । मुना अहिले बैदेशिक रोजगार पिडित महिला उत्थान समिति खोटाङको अध्यक्ष पनि हुनुहुन्छ । थुपै्र पीडामा जेलिएकी मुना अहिले आफूजस्तै पीडामा परेका महिलाको उद्धारमा पनि टिनुहुन्छ ।

१५ कात्तिक, धादिङ । तीन युवकलाई पौडी खेल्ने क्रममा त्रिशुली नदीले बगाएको छ । ललितपुर नख्खीपोटका युवाहरु वेनिघाट १ मलेखुमा पिकनिक खान आएका थिए । साथीहरुसँग पौडीखेल्ने क्रममा रेमन्त थापा, नलपु राई र सुलभ गुरुङ वेपत्ता भएका छन् । बेपत्ताहरुको खोजी भइरहेको इलाका प्रहरी कार्यालय गजुरीले जनाएको छ ।

बार्सिलोना, कार्तिक १६ – सिजनमा राम्रो सुरुवात गर्दै अघि बढिरहेको बार्सिलोनाले लगातार दोस्रो हार बेहोरेको छ । शनिबार राती भएको खेलमा बार्सिलोना सेल्टा भिगोसँग १–० गोल अन्तरले पराजित भएको हो । हारसँगै बार्सिलोना लिगको शीर्ष स्थानबाट तेस्रो स्थानमा झरेको छ । यसअघि एल क्लासिकोमा चिर प्रतिद्वन्द्वी रियल म्याड्रिडसँग ३–१ गोल अन्तरले पराजित भएको बार्सिलोना ज्वाकीन लारिभीको एक मात्र गोलको मद्दतले स्तब्ध भएको हो । _78693466_024557702-1 सन् २००९ पछि पहिलोपल्ट ला लिगामा बार्सिलोनाले लगातार दोस्रो खेलमा हार बेहोरेको हो । आफ्नो गृह मैदानमा ५७ खेलपछि पहिलोपल्ट चुकेको हो । ला लिगाको सर्वाधिक गोलकर्ता बन्न मात्र २ गोलले पछि रहेका लियोनेल मेस्सीले उक्त किर्तिमान भंग गर्नु अझै पर्खनुपर्ने भएको छ । रियलसँगको खेलअघि एक गोल पनि नखाएका बार्सिलोनाका गोलकिपर क्लाउडियो ब्राभोले लागातार दोस्रो खेलमा गोल खाएका छन् ।बार्सिलो नाको हारको सिधा फाइदा रियललाई पुगेको छ ।

फेसबुक एउटा यस्तो सोसल नेटवर्किङ साइट हो जसलाई थुपै्र युवाहरुले मन पराउने गर्दछन् । चाहे तपाईं एक्लै हुनुहुन्छ वा प्रेम बन्धमा बाँधिनु भएको होस्, सबैको आइडी फेसबुकमा पाइने गर्दछ । यदि हामी प्रेम बन्धनमा भएका व्यक्तिहरुको कुरा गर्ने हो भने एक्सपर्टका अनुसार कुनै पनि कपल्सले फेसबुकमा केहि पनि पोष्ट गर्नुभन्दा अगाडि धेरै सोच्नुपर्ने हुन्छ । तपाईंले आफ्नो निजि तस्बिरहरु फेसबुकमा राख्न ठिक मानिँदैन । कोही जोडिले आफ्नो पुरै निजी जिन्दगीलाई फेसबुकमा पर्दाफास गर्नेगर्दछन्। आफ्नोयस्तो व्यवहारले आफ्ना अरु साथीहरुलाई कस्तो प्रभाव पार्छ भन्ने कुरा उनीहरुलाई रत्तीभर पनि थाहा हुँदैन । त्यसकारण हामी तपाईंलाई प्रेम सम्बन्धमा रहेका कुनै पनि जोडिले गर्न नहुने कार्यको बारेमा हामी तपाईंलाई जानकारी दिँदैछौँ । १. रिलेशनसिप स्टेटस परिवर्तन गर्नुः यदि तपाईं कुनै पनि सम्बन्धमा हुनुहुन्छ भने यो खबरले तपाईंका साथीहरु र परिवारलाई खुसी राख्ला तर केहि जोडीहरु फेसबुकमा आफ्नो रिलेसनसिप स्टेटस आफ्नो मुड अनुसार राख्ने गर्दछन् जुन राम्रो कुरा होइन । २. फेसबुकमा आफ्नो प्रेमको सोअफः कोही मानिसहरु आफ्नो रोमान्स फेसबुकमार्फत नै उजागर गर्न चाहन्छन् । यस्तो अवस्थामा हामी तपाईंलाई के सल्लाह दिन्छौँ भने केहि छिनको लागि आफ्नो मोबाइल र ल्यापटप बन्द गरेर आफ्नो प्रेमी वा प्रेमिकासँग आफ्नो प्रेम बाँड्न सँगै बस्नुहोस् । ३. फोटो अपलोड गर्नुः कोही जोडी आफ्नो एक–दुईवटा फोटो नभई थुपै्र फोटोहरु अपलोड गर्न चाहन्छन्। तपाईंको यस्तो व्यवहार कोही दोस्रो व्यक्तिको लागि टाउको दुखाई हुनसक्छ । फेसबुकमा कुनै पनि जोडीले एक वा दुईवटाभन्दा अरु फोटो अपलोड गर्नु अनावश्यक मानिन्छ । ४. स्टेटसको झमेलाः यदि तपाईंको आफ्नो प्रेमीसँग झगडा भएको छ भने यसको मतलब तपाईंले आफ्नो भाव फेसबुकको वालमा दुखी भएकोस्माइली पोष्ट गरेर संसारलाई देखाउनु होइन । यस्तो अवस्थामा तपाईंआफू अफलाइन बसेर आफ्नो पार्टनरसँग कुराकानी गर्दाठिक हुन्छ । (एजेन्सी)

मानिसहरुलाई कल्पना गर्न कसैले पनि छेक्न सक्दैन । आफू एक्लै भएको बेलामा होस् वा साथीहरुको माझ, मानिसले कहिले पनि कल्पना गर्न छोड्दैन । आफू एकातिर भएपनि मानिसहरुको सोच कताकता डुलिरहेको हुन्छ । कहिले सृजनशील विषयमा सोचिरहने मानिस कहिले यौनिक कल्पनामा हराउने गर्दछन् । युवापुस्ताले यौनीक कल्पना गर्नु सामान्य नै मानिन्छ । मानिसहरु कतिपय अवस्थामा आफ्नो पार्टनरसँग यौन सम्बन्ध स्थापित गरिरहेको सोच्ने गर्दछ जसलाई सामान्य रुपमा हेरिन्छ ।यसको नकारात्मक पक्ष केहि देखिँदैन । तर आफूसँग राम्रोसँग घुलमिल नभएका मानिससँग यौनिक क्रियाकलाप गरिरहेको सोच्नुहुन्छ भने यसको असर नकारात्मक हुने एक अध्ययनले जानकारी दिएको छ । ‘द हेल्थ’ नामक वेभसाइटमा प्रकाशित एक अनुसन्धानका अनुसार आफूसँग चिनजान समेत नभएका मानिसहरुसँग सेक्स गरेको कल्पना गर्नु स्वास्थ्य र जीवनको लागि घातक हुने गर्दछ । यस्तो कल्पनाले मानिसको यौन व्यवहारमा नकारात्मक प्रभाव पार्ने र मनोरोगसमेत देखिन सक्ने उक्त अनुसन्धानले जनाएको छ । आफूसँग राम्रोसँग घुलमिल नभएका र चीनजानसमेत नभएका व्यक्तिसँग अत्यधिक रुपमा यौनिक कल्पना गर्नाले स्वास्थ्यमा नकारात्मक असर पर्न जान्छ । क्यानडाको ट्रेन्ट विश्वविद्यालयका डा. बेथ ए भिजरका अनुसार आफ्नो पार्टनर वा घुलमिल भएको व्यक्तिसँगको यौनिक कल्पना सामान्य भएपनि कतै देखेको मात्र र कम घुलमिल भएका व्यक्तिसँगको यौनिक कल्पना अत्यधिक मात्रामा हुनु निकै घातक मानिन्छ । कम चिनेको वा चिन्दै नचिनेको व्यक्तिको विषयमा यौनिक कल्पना गर्ने व्यक्तिमा यौन आक्रामकता बढि हुने र कतिपय अवस्थामा मनोरोगसमेत देखिने उक्त अध्ययनले देखाएको छ । अध्ययनमा १ सय ९५ जोडि महिला र पुरुषमा संलग्न थिए । त्यस्तै, ३५५ विद्यार्थीहरुलाई पनि उक्त अध्ययनमा समावेश गरिएको थियो । (एजेन्सी)

भनिन्छ हरेक मानिसमा कुनै न कुनै कला हुन्छ, मात्र त्यसलाई पत्ता लगाउन सक्नुपर्छ । जिउमा भएका टाटुका कारण चर्चित अमेरिकी मोडेल सारा एक्स मिल्सले आफ्नो यस्तै अनौठो कलाका कारण सबैलाई दंगदास बनाइदिएकी छिन् । २७ वर्षीया ती सुन्दरीले एक पूरानो चर्चित संगीतको धुनमा आफ्ना वक्षस्थल नचाइन् । उनले संगीतको धुनमा पूरै संगीत अवधिभर नै आफ्ना दुबै वक्षस्थल पालैपालो कलात्मक ढंगले हल्लाउन सक्छिन् । भियना फिलामोफिर्क अर्केस्ट्राले सन् १९३६ मा कम्पोज गरेको चर्चित साउण्ड ट्रयाक मा साराले आफ्नो वक्षकला प्रदर्शन गरेकी छिन् र त्यसको भिडियो इन्टरनेटमा अपलोड गरेसँगै त्यसले हंगामा नै मच्चाएको छ । उनको वक्षस्थ्लको यस्तो अद्धितीय चाल देखेर धेरैले पत्यार गरेनन् र उनलाई छलछाम गरेको र बनाबटी भिडियो बनाएको आरोप लगाए । कतिपयले साराले आफ्नो वक्षस्थलमा अदृश्य तार बाँधेर त्यसलाई तानेर वक्षस्थल हल्लाएको भने भने कतिपयले वक्षस्थल हल्ल्ाउन साराले जिउमा करेन्टको झट्का लगाएको आरोप लगाए । तर साराले त्यसको खण्डन गर्दै आफ्ना वक्षस्थल नक्कली भएपनि वक्षस्थलको संागितिक कला भने सक्कली भएको बताएकी छिन् । वास्तवमा उनका स्तन प्रत्यारोपण गरिएका हुन् र उनले आफ्ना छातिका मांसपेशीलाई लचकदार बनाएर सोही मार्फत स्तनलाई संगीतको तालमा हल्लाउन सफल भएकी रहेछिन् ।